Apple bassyr dokuzynjy ýyl dünýäniň iň gymmat brendi bolmagynda galdy

  • 24.10.2021 15:02
  • 3.2k+

Apple brendi eýýäm dokuz ýyl bäri dünýäniň iň gymmat brendi bolmagynda galýar. Muny Interbrand Corp. kompaniýasynyň 2021-nji ýyl üçin derňewleri görkezdi. Onuň bahasy geçen ýylyň dowamynda 26% ýokarlanyp, 408,25 mlrd dollardan geçdi. Bu barada interfax.ru habar berýär.

Ikinji orunda 24% (249,25 mlrd dollara çenli) gymmatlan Amazon brendi, üçünji orunda 27% (210,2 mlrd dollara çenli) gymmatlan Microsoft ýerleşdi. Dördünji orny bahasy 19% ýokarlanyp, 196,8 mlrd dollar bolan Google eýeledi.

Onlukda beýleki kompaniýalaryň tertibi hem üýtgemedi: bäşinji orunda Samsung (ösüş 20%, 74,635 mlrd dollara çenli), soňra Coca-Cola (ösüş 1%, 57,488 mlrd dollara çenli), Toyota (ýokarlanma 5%, 54,107 mlrd dollara çenli), Mercedes-Benz (ösüş 3%, 50,866 mlrd dollara çenli), McDonald’s (ösüş 7%, 45,885 mlrd dollara çenli), Disney (ösüş 8%, 44,183 mlrd dollara çenli) ýerleşdi.

Onlukdaky brendleriň umumy bahasynyň 62%-den gowragy sanawdaky ilkinji üç kompaniýanyň paýyna düşýär diýlip, hasabatda bellenilýär.

Reýtingde iň uly ösüşi Tesla brendi görkezdi: onuň bahasy tas üç esse (184%, 36,27 mlrd dollara çenli) ýokarlandy, netijede ol 26-njy orundan 14-nji orna geçdi.

Häzirki wagtda Top-100-däki brendleriň jemi bahasy 2020-nji ýyldaky $2 trln 326,491 mlrd bilen deňeşdirilende, $2 trln 667,524 mlrd bilen bahalandyrylýar, ýagny geçen ýyl ol 15% ýokarlandy diýlip, Interbrand-yň habarynda bellenilýär.

Interbrand özüniň hasabynda kompaniýalaryň maliýe görkezijilerini, brendleriň sarp edijileriň harytlary satyn almak kararlaryna täsirini we kompaniýalaryň girdeji gazanmak ukybyny göz öňünde tutýar. Dünýäniň iň gymmat 100 brendiniň sanawy eýýäm 22 ýyl bäri neşir edilýär. 


27.05.2025 13:17
3k+

Xiaomi ýylyň birinji çärýeginde dakylýan enjamlar bazarynda Apple-y geçdi

2025-nji ýylyň birinji çärýeginde Xiaomi kompaniýasy dakylýan enjamlaryň dünýä boýunça ibermeleriniň sany boýunça birinji orna çykyp, Apple-y yzda galdyrdy. Canalys analitikleriniň maglumatlaryna görä, kompaniýa 8,7 million enjam iberipdir, bu bolsa geçen ýylky bilen deňeşdirilende 44% köp...

25.05.2025 19:08
5.6k+

Ilon Mask Tesla-nyň baş direktorlygyndan aýrylmagy meýilleşdirmeýär

«Tesla» kompaniýasynyň ýolbaşçysy Ilon Mask özüniň baş direktorlyk wezipesinden çekilmegi meýilleşdirmeýändigini mälim etdi. Ol täze baş direktoryň diňe onuň aradan çykmagy bilen gelip biljekdigini aýtdy diýip, «Carscoops» habar berýär...

21.05.2025 11:17
2.8k+

Foxconn Hindistanda iPhone önümçiligini giňeltmäge $1,5 mlrd maýa goýar

Foxconn Hindistanda öz önümçilik kuwwatyny giňeltmek üçin 1,5 mlrd dollar maýa goýar. Bu Hytaýa garaşlylygy azaltmak we paçlar hem geosyýasy ýagdaýlar bilen bagly töwekgelçilikleri azaltmak strategiýasynyň bir bölegi bolar diýip, Reuters ýazýar...

18.05.2025 21:53
2.6k+

Apple iň gymmat brendleriň reýtinginde yzygider 4-nji ýyl öňdebaryjy boldy

Kantar analitiki kompaniýasy her ýylky BrandZ reýtingini hödürledi. Dünýäniň iň gymmat brendleriniň arasynda birinji orny Apple saklap galdy. Onuň bahasy 28% ýokarlanyp, 1,3 trln dollara ýetdi. Bu ilkinji 100-lüge girýän ähli kompaniýalaryň umumy bahasynyň 12%-den gowragydyr...