Sanjym Australian Open ýaryşyna gatnaşmak üçin hökmany şert bolar

  • 22.10.2021 16:16
  • 2.3k+

Awstraliýanyň hökümeti möwsümde ilkinji “Uly tuwulga” ýaryşy bolan Australian Open-e gatnaşyjylar üçin koronawirusa garşy hökmany sanjym düzgünini girizdi. Şol sebäpli öňdebaryjy tennisçilerň köpüsi ýaryşa gatnaşyp bilmez. Bu barada “The Age” neşirine salgylanyp, sportrbc.ru habar berýär.

Çarşenbe güni Awstraliýanyň immigrasiýa, raýatlyk we medeni köpdürlülik meseleleri boýunça ministri Aleks Houk ýaryşa gatnaşmak isleýän ähli tennisçileriň ýurda gelmezden öň doly sanjym almalydygyny aýtdy.

“The Age” neşiriniň Professional tennisçileriň assosiasiýasynyň (ATP) we Zenanlaryň tennis assosiasiýasynyň (WTA) maglumatlaryna salgylanyp habar bermegine görä, häzirki wagtda tennisçileriň 35%-i we zenan tennisçileriň 40%-i doly sanjym almady.

Hususan-da, ýaryşy soňky üç ýylda Australian Open-de ýeňiji bolan dünýäniň ilkinji raketkasy Nowak Jokowiç sypdyryp biler.

“Häzirki ýagdaýlary göz öňünde tutup, men Melburna gitjegimi heniz bilemok. Men sanjym alandygyma ýa-da ýokdugyma garamazdan, öz ýagdaýymy aýan etmerin. Bu meniň şahsy işim we şeýle soraglar ýerliksiz” – diýip, ABC Jokowiçiň sözlerini getirýär.

Täze möwsümde ilkinji “Uly tuwulga” ýaryşy 2022-nji ýylyň 17 – 30-njy ýanwarynda geçiriler.


26.08.2025 11:00
4.6k+

Forbes 2025-nji ýylda dünýäniň iň baý tennisçilerini atlandyrdy

Forbes žurnaly 2025-nji ýylda dünýäniň iň baý tennisçileriniň reýtingini hödürledi. Sanawda birinji orny ýylda 48,3 mln dollar girdeji bilen ispaniýaly Karlos Alkaras eýeledi. Ikinji orunda 47,3 mln dollar bilen italiýaly Ýannik Sinner ýerleşdi...

25.08.2025 12:20
4.7k+

13 ýaşly tennisçi Tailandda geçen halkara ýaryşda Türkmenistana iki sany altyn medal getirdi

Tailand Patyşalygynyň Uly Bangkok sebitine degişli bolan Nonthaburi welaýatynda 14 ýaşa çenli ýetginjekleriň arasynda Aziýanyň Tennis federasiýasynyň (ATF) guramagynda halkara tennis ýaryşy geçirildi. Ýaryşda üstünlikli çykyş eden türkmen türgenleri üç görnüş boýunça altyn, bir görnüşde bolsa bürünç medal gazandylar...

20.08.2025 08:40
4k+

24 ýaşda 24-nji ýeňiş: Iga Swýontek Sinsinnatidäki WTA 1000 ýaryşynyň ýeňijisi boldy

Polşaly tennisçi Iga Swýontek Sinsinnatidäki (ABŞ) WTA 1000 tennis ýaryşynyň finalynda ýeňiş gazandy. Finalda ol italiýaly Žasmin Paolinini 7:5, 6:4 hasabynda utdy. Oýun 1 sagat 49 minut dowam etdi. Oýnuň başynda Swýontek 0:3 hasabynda utulyp gelýärdi, ol garşydaşynyň oýnuň dowamynda dört breýk etmegine ýol berdi, ýöne soň oýny öz peýdasyna öwürmegi başardy...

16.08.2025 19:04
3.8k+

Türkmen tennisçileri Tailandda geçirilen ýaryşda üç altyn we bir bürünç medal gazandylar

Türkmen türgenleri 14 ýaşa çenli tennisçileriň halkara ýaryşynda üç altyn we bir bürünç medaly gazandylar. Ýaryşlar Tailandyň Nontaburi welaýatynda (Beýik Bankok) Aziýanyň Tennis Federasiýasynyň (ATF) guramagynda geçirildi...