Saudi Aramco Aziýa, ABŞ we Ýewropa üçin nebit bahalaryny arzanlatdy

  • 06.10.2021 19:46
  • 8k+

Saud Arabystanynyň nebitgaz döwlet kompaniýasy Saudi Aramco Aziýa, ABŞ we Ýewropa üçin nebitiň noýabr aýyndaky satuw bahalaryny arzanlatdy. Bu barada bahalar boýunça resminama salgylanyp, Bloomberg agentligi habar berýär. Muny 1prime.ru ýetirýär.

“Saud Arabystany özüniň iň uly bazary bolan Aziýa üçin göz öňünde tutulan ähli nebitiň bahasyny arzanlatdy” – diýip, agentlik habar berdi.

Hususan-da, Saudi Aramco Uzak Gündogaryň alyjylary üçin beýleki markalaryň bahalarynyň kesgitlenmegine esas bolýan Arab Light söwda belgili nebitiň bahasyny noýabr aýy üçin bir barrele 0,4 dollar arzanlatdy – indi baha Oman/Dubai görnüşleriniň sebedine garanda bir barrele 1,3 dollar ýokarydyr diýip, agentlik ýazýar. Pese düşme bazaryň garaşanyna gabat geldi.

Şeýle-de, kompaniýa ABŞ-daky, Ortaýer deňzi sebitindäki we Ýewropanyň demirgazyk-günbatar bölegindäki alyjylar üçin niýetlenen görnüşleriň ählisi üçin diýen ýaly bahalary peseltdi.

Duşenbe güni OPEK+ guramasynyň ýygnagy geçirildi we onuň çäginde birleşik nebit önümçiliginiň ösüşini çaltlaşdyrmazlyk kararyna geldi. Ol 2022-nji ýylyň sentýabr aýynyň ahyryna çenli bu çäklendirmeleri kem-kemden aýyrmagy göz öňünde tutup, 2021-nji ýylyň awgust aýyndan bäri her aý günde 400 müň barrel öndürýär. 


23.10.2025 12:23
1.6k+

OGT-2025 halkara sergisiniň we maslahatynyň birinji gününiň netijeleri

22-nji oktýabrda Türkmenistanyň Söwda-senagat edarasynyň binasynda «Türkmengaz», «Türkmennebit» döwlet konsernleriniň guramagynda «Türkmenistanyň nebiti we gazy — 2025» atly XXX halkara maslahat we sergi öz işine başlady...

22.10.2025 10:24
5.3k+

Aşgabatda 30-njy gezek «Türkmenistanyň nebiti we gazy — 2025» atly halkara maslahat we sergi öz işine başlaýar

Aşgabat şäherinde «Türkmenistanyň nebiti we gazy — 2025» atly halkara maslahaty we sergi öz işine başlaýar. Şu mynasybetli foruma gatnaşyjylary Prezident Serdar Berdimuhamedow gutlady. Her ýyl geçirilmegi asylly...

19.10.2025 08:22
3.6k+

Euronews, Interfax we öňdebaryjy habar beriş serişdeleri OGT 2025-niň media hyzmatdaşlary boldy

«Türkmenistanyň nebiti we gazy – 2025» 30-njy halkara maslahaty we sergisi (OGT 2025) dünýäniň iri köpçülikleýin habar beriş serişdeleriniň goldawyny aldy. Çäräniň resmi media hyzmatdaşlarynyň hatarynda Euronews, BNE IntelliNews, Newsbase, Interfax, Energy Intelligence hem-de birnäçe öňdebaryjy Ýakyn Gündogar neşirleri bar...

07.10.2025 13:33
4k+

Saud Arabystany noýabrda Aziýa üçin nebitiň Arab Light görnüşiniň bahasyny üýtgetmeýär

Saud Arabystany noýabrda Aziýa üçin nebitiň esasy görnüşi bolan Arab Light-yň bahasyny üýtgetmez diýip, Saudi Aramco döwlet kompaniýasy habar berdi. Çig malyň bahasy öňküsi ýaly Oman/Dubaý sebedinden 2,2 dollar ýokary bolar...