Sport gözlegleriniň halkara merkezi (CIES) iň gymmat düzümi bolan futbol klublarynyň täze sanawyny neşir etdi. Gözlegleriň netijesine görä, Mançesterden iki klub lider boldy, olaryň her biriniň düzüminiň bahasy bir milliard ýewrodan geçýär. Bu barada prostoprosport.ru habar berdi.
Üçlügi Angliýanyň ýene bir kluby “Çelsi” jemledi. Ýöne düzüminde Lionel Messi, Neýmar we Kilian Mbappe bolan “PSŽ” bolsa iň gymmat futbol klublarynyň bäşligine-de girmän, sekizinji orunda ýerleşdi:
- “Mançester Siti” (Angliýa) – 1,280 mlrd ýewro;
- “Mançester Ýunaýted” (Angliýa) – 1,214 mlrd ýewro;
- “Çelsi” (Angliýa) – 946 mln ýewro;
- “Barselona” (Ispaniýa) – 896 mln ýewro;
- “Bawariýa” (Germaniýa) – 890 mln ýewro;
- “Liwerpul” (Angliýa) – 868 mln ýewro;
- “Real” (Ispaniýa) – 846 mln ýewro;
- “Pari Sen-Žermen” (Fransiýa) – 808 mln ýewro;
- Dortmundyň “Borussiýasy” (Germaniýa) – 687 mln ýewro;
- “Atletiko” (Ispaniýa) – 662 mln ýewro.
