Türkmenistanyň Prezidenti Gurbanguly Berdimuhamedowyň duşenbe güni, Döwlet Howpsuzlyk geňeşiniň barşynda gol çeken Permanyna laýyklykda, ýustisiýanyň 3-nji derejeli döwlet geňeşçisi Begmurat Rahmangulyýewiç Muhamedow, başga işe geçmegi sebäpli, Türkmenistanyň adalat ministri wezipesinden boşadyldy. Ol Türkmenistanyň Daşary işler ministrliginiň ygtyýaryna iberildi.
Türkmenistanyň adalat ministri wezipesine ýustisiýanyň uly geňeşçisi Merettagan Gurbandurdyýewiç Taganow bellenildi.
Şeýle hem Türkmenistanyň Prezidenti Gurbanguly Berdimuhamedowyň Karary bilen ýustisiýanyň kiçi geňeşçisi Batyr Orazmuhammedowiç Myradow Balkan welaýatynyň prokurorynyň orunbasary wezipesinden boşadylyp, Türkmenistanyň adalat ministriniň orunbasary wezipesine bellenildi.
