Lucid Air sedany geçýän ýolunyň uzaklygy boýunça Tesla-nyň rekordyny täzeledi

  • 24.09.2021 13:58
  • 9.9k+

ABŞ-nyň Daşky gurşawy goramak agentligi Lucid Air modeliniň tygşytlylygy we geçýän aralygy bilen bagly maglumatlary ýetirýär. Bu sedan resmi taýdan iň uly ýol ätiýaçlygy bolan elektrokar diýlip ykrar edildi. Lucid Air sedany bir batareýa zarýady bilen 837 kilometr geçýär. Bu barada ufacitynews.ru habar berýär.

Gürrüň ulagyň diametri 19 dýuým bolan tekerli Dream Edition Range görnüşi barada gidýär. Ol goşmaça zarýad bermezden 520 mil aralygy geçip bilýär, bu 837 kilometre deň bolup, Tesla Model S Long Range-iň görkezijisinden 185 kilometr köpdür. Şol bir wagtyň özünde, sedan her 100 mil aralyk üçin 27 kilowatt-sagat energiýa sarp edýär, bu bolsa 100 kilometr üçin 1,9 litr ýangyjyň sarp edilmegine deňdir.

ABŞ-nyň Daşky gurşawy goramak agentliginiň analitikleriniň maglumatlaryna görä, häzirki ýangyç bahalarynda Lucid Air Dream Edition Range elektromobili bäş ýylda 6 250 dollary tygşytlap biler. Ýöne şeýle tygşytlanma üçin ýylda 15 müň milden köp geçmeli däl.

Elektromobiliň akkumulýatory 900 Wt. Salonda 5K durulykda 34 dýuýmlyk OLED displeýi, 21 dinamika we Dolby Atmos tehnologiýasy bilen audiosistema ýerleşdirildi. Lucid Air Dream Edition Range elektromobilinde sekiz howpsuzlyk ýassygy, 32 datçikli awtodolandyryjy, şol sanda lidar bar. 

Lucid Air 2021-nji ýylyň ahyrynda satuwa çykarylar. Bu ulag ştab-kwartirasy Kaliforniýada ýerleşýän Lucid Motors başlangyç kompaniýasynyň önümidir. Kompaniýanyň baş ýerine ýetiriji müdiri öň Tesla-nyň inžiniring boýunça wise-prezidenti bolan Piter Roulinsondyr.


şu gün 11:37
311

Toyota Land Cruiser Prado-nyň täze gibrid wersiýasyny çykardy: hem tokda, hem dizelde

Toyota kompaniýasy Land Cruiser Prado ulagynyň gibrid wersiýasyny tanyşdyrdy. Bu ulag modeliň Ýewropa bazary üçin niýetlenilen elektrikleşdirilen ilkinji görnüşidir. Täze 48-woltlyk gibrid ulgam, häzirki wagtda adaty Prado modellerinde ulanylýan 2,8 litrlik dizel hereketlendirijiniň binýadynda döredildi...

25.06.2025 11:44
24k+

Üç müň awtoulagly gämi Ýuwaş ummanynda üç hepdeläp ýanandan soň suwa çümdi

3048 awtoulagy alyp barýan "Morning Midas" gämisi, üç hepdeläp dowam eden ýangyndan soň, Ýuwaş ummanynda suwa çümdi. Ekipaž agzalarynyň hiç biri zyýan çekmedi, ýöne 70 sany elektromobil we 681 sany gibrid awtoulagy hem öz içine alýan ähli ulaglar gämi bilen bilelikde suwuň düýbüne gitdi...

24.06.2025 00:10
5.5k+

Tesla Tehasda robotaksi hyzmatyny işe girizdi – ýöne hemmeler üçin däl

Tesla kompaniýasy Tehas ştatynyň Ostin şäherinde çäklendirilen sürüjisiz taksi hyzmatynyň işe girizilendigini habar berdi. “Tehas ştatynyň Ostin şäherinde Tesla Robotaxi gatnap başlady” – diýlip, kompaniýanyň resmi X akkauntynda aýdylýar...

20.06.2025 18:37
8.4k+

Tesla elektrokar önümçiligini togtadar: satylmadyk ulaglary ýerleşdirmäge ýer galmady

30-njy iýundan Tesla Tehasdaky zawodynda elektromobil önümçiligini bir hepdelik togtadar. Bu islegiň pese gaçmagy we satylmadyk awtomobilleriň uly möçberde üýşmegi bilen baglanyşykly boldy. Öndürilen, ýöne satylmadyk ulaglary saklamak üçin bolsa goşmaça parklary kärendesine almaly diýip, Electrec ýazýar...