ABŞ-nyň öňki Prezidenti Donald Tramp 2024-nji ýylda ýene-de Prezidentlik ugrundaky göreşe gatnaşyp biljekdigini mälim etdi. Bu barada onuň "Fox News" gazetine beren interwýusyna salgylanyp, RIA Nowosti habar berdi.
"Men bizde şeýtmekden başga çykalga galar öýdemok..." diýip, Tramp 2024-nji ýylda geçiriljek Prezidentlik ugrundaky göreşe gatnaşmak bilen bagly berlen soraga jogap berdi.
Öňki döwlet baştutany häzirki Prezident Jo Baýdeniň öz wezipesini ýeterlik derejede ýerine ýetirip bilmeýändigini aýdýar.
"Olar (Baýdeniň administrasiýasy - RED.) hemmeleri birleşdirmek isleýändiklerini we inklýuziw bolmak isleýändiklerini aýdýarlar, ýöne welin olar inklýuziw däl" diýip, Tramp demokrat Prezidentiň hereketlerini ýazgarýar.
Tramp 2024-nji ýylda geçiriljek Prezident saýlawlaryna gatnaşmagynyň mümkindigini birnäçe gezek ýaňzytdy. Ol täze prezident saýlawlaryna gatnaşmak barada eýýäm karara gelendigini we muňa öz tarapdarlarynyň "begenjekdigini" aýtdy.
Amerikanyň Birleşen Ştatlarynyň 46-njy Prezidentiniň saýlawlary 2020-nji ýylyň 3-nji noýabrynda geçirilipdi. Onda demokratlaryň dalaşgäri bolan öňki wise-prezident Jo Baýden ýeňiji boldy.
