Türkmenistanyň diplomatik gullugyna degişli täze Kararlar kabul edildi

  • 21.08.2021 02:24
  • 11k+

20-nji awgustda geçirilen Hökümetiň sanly ulgam arkaly mejlisiniň dowamynda Türkmenistanyň Prezidentiniň garamagyna ýurdumyzyň diplomatik gullugynyň işi bilen bagly resminamalaryň birnäçesi hödürlendi.

Hususan-da:

  • Türkmenistanyň Prezidentiniň degişli Kararyna laýyklykda, “Diplomatik gulluk hakynda” we “Kiberhowpsuzlyk hakynda” Türkmenistanyň Kanunlaryna laýyklykda, şeýle hem Türkmenistanyň Daşary işler ministrliginiň merkezi edarasynyň gurluşyny has-da kämilleşdirmek maksady bilen, Daşary işler ministrliginiň merkezi edarasynyň gurluşy tassyklanyldy.
  • “Diplomatik gulluk hakynda”, “Türkmenistanyň daşary ýurt döwletlerindäki diplomatik wekilhanalarynyň statusy hakynda” we “Türkmenistanyň daşary ýurtlardaky konsullyk edaralary hakynda” Türkmenistanyň Kanunlaryna laýyklykda, şeýle hem Türkmenistanyň daşary ýurt döwletlerindäki diplomatik wekilhanalarynyň we konsullyk edaralarynyň işini kämilleşdirmek we olaryň öz üstüne ýüklenilen wezipelerini netijeli ýerine ýetirmegini üpjün etmek maksady bilen, Daşary işler ministrliginiň 2021-nji ýyl üçin çykdajylarynyň sanawy, şeýle hem daşary ýurt döwletlerindäki diplomatik wekilhanalaryny we konsullyk edaralaryny saklamak üçin çykdajylaryň sanawy tassyklanyldy.

Türkmen Lideri Daşary işler ministrligine Adalat ministrligi bilen bilelikde şu Kararlardan gelip çykýan üýtgetmeleri we goşmaçalary Türkmenistanyň kanunçylygyna girizmek baradaky teklipleri bir aý möhletde taýýarlamak we Ministrler Kabinetine bermek barada tabşyryk berdi. Şeýle hem döwlet Baştutany Ministrler Kabinetiniň Başlygynyň orunbasary, daşary işler ministri R.Meredowa Türkmenistanyň BMG-niň Baş Assambleýasynyň öňümizdäki 76-njy mejlisiniň işine gatnaşmagyna taýýarlyk görmegiň ýokary guramaçylyk derejesini üpjün etmegi hem-de ýurdumyzyň ileri tutýan garaýyşlaryny giň köpçülige ýetirmegi, halkara başlangyçlaryny ilerletmek boýunça yzygiderli çäreleri görmegi tabşyrdy.


30.05.2025 12:50
1.9k+

BMG-niň Deňze çykalgasy bolmadyk ösüp barýan ýurtlar boýunça III maslahatyna taýýarlyk maslahatlaşyldy

28-nji maýda Türkmenistanyň daşary işler ministri Raşid Meredow BMG-niň Baş sekretarynyň orunbasary, Az derejede ösen, deňze çykalgasy bolmadyk ösüp barýan ýurtlar hem-de kiçi ada döwletler boýunça Ýokary wekili Rabab Fatima bilen wideoaragatnaşyk görnüşinde duşuşyk geçirdi...

30.05.2025 12:47
899

Türkmenistan we BMG durnukly ösüş ugrunda hyzmatdaşlyk maksatnamasynyň durmuşa geçirilişini maslahatlaşdy

27-nji maýda Türkmenistanyň daşary syýasat edarasynyň binasynda Türkmenistan bilen Birleşen Milletler Guramasynyň arasynda durnukly ösüş ugrunda 2021–2025-nji ýyllar üçin hyzmatdaşlygyň Çarçuwaly maksatnamasyny durmuşa geçirmek boýunça Ýolbaşçy komitetiň utgaşykly görnüşdäki mejlisi geçirildi...

30.05.2025 11:46
6k+

Türkmenistanyň Prezidenti 1-2-nji iýunda Mongoliýa döwlet saparyny amala aşyrar

1-2-nji iýunda Türkmenistanyň Prezidentiniň Mongoliýa döwlet sapary meýilleşdirilýär. Sapara görülýän taýýarlyk işleri barada wise-premýer, daşary işler ministri R.Meredow Hökümet mejlisinde hasabat berdi. Bellenilişi...

30.05.2025 10:29
2.4k+

Türkmenistanyň Prezidenti “Merkezi Aziýa — Italiýa” birinji sammitine gatnaşmak üçin Astana barar

Prezident Serdar Berdimuhamedow “Merkezi Aziýa — Italiýa” formatyndaky döwlet Baştutanlarynyň birinji sammitine gatnaşmak üçin Gazagystanyň Astana şäherine iş saparyny amala aşyrar. Bu barada penşenbe güni Hökümet mejlisinde habar berildi...