Özbegistanda pandemiýa sebäpli ÝOM-e synaglar açyk howada geçiriler

  • 07.08.2021 12:30
  • 11k+

Pandemiýa sebäpli Özbegistanyň ýokary okuw mekdeplerine giriş synaglary açyk howada – stadionlarda we seýilgählerde geçirilýär. Bu barada TASS respublikanyň Ýokary bilim ministrliginiň metbugat gullugyna salgylanyp habar berdi. Muny belta.by ýetirýär.

“5-nji awgustda başlanan respublikanyň ýokary okuw mekdeplerine giriş synaglary, geçen ýyl bolşy ýaly, stadionlarda we seýilgählerde, açyk howada ähli sanitar-epidemiologiki talaplary berjaý etmek bilen geçirilýär” – diýip, metbugat gullugynyň wekili aýdýar. Hususan-da, Daşkentde şu gün irden başlanan synaglar Pahtakor we Bunedkor (“Gurluşykçy”) stadionlarynda, şeýle-de Ýeňiş seýilgähinde we botanika bagynda geçirilýär.

Döwlet synag merkeziniň habar bermegine görä, şu ýyl ýokary okuw mekdeplerine, takmynan, 950 müň dalaşgär resminama tabşyrdy, bu 2020-nji ýyla garanda 535 müň ýa-da 36,1% azdyr. 2019-njy ýylda respublikanyň 1,006 mln ýaş oglan we gyzlary talyp bolmaga isleg bildirdiler.

Şeýle-de, 950 müň dalaşgärden 804 660 sanysynyň özbek dilinde, 109 232 sanysynyň rus dilinde, 31 462 sanysynyň garagalpak we 2 857 sanysynyň beýleki dillerde okamak isleýändigi habar berilýär. Şol bir wagtyň özünde 479 627 adam ýokary okuw mekdepleriniň gündizki, 435 995 sanysy gaýybana we 32 589 sanysy agşamky bölümlerine resminama tabşyrdy.

2021/2022-nji okuw ýyly üçin döwlet buýrugyna laýyklykda, 157,7 müň dalaşgär bakalawr, 12,9 müň dalaşgär magistratura derejesini alar.


14.01.2025 17:26
8.9k+

Türkmenistandan iňlis dili mugallymlary Daşkentde okuw maslahatyna gatnaşdylar

9-11-nji ýanwar aralygynda Daşkent şäherindäki Özbegistanyň Döwlet dünýä dilleri uniwersitetinde «Merkezi Aziýada iňlis dilini öwrenmegi işjeňleşdirmek» atly halkara okuw maslahaty geçirildi. Okuw maslahatyna Gazagystanyň...

29.10.2023 16:16
13k+

Türkmen talyplary Özbegistanda matematika boýunça halkara olimpiadada 16 medal gazandylar

23-29-njy oktýabrda Garagalpagystanyň paýtagty Nukus şäherinde geçirilen Muhammet al-Horezmi adyndaky Matematika boýunça halkara olimpiadasynda türkmenistanly ýaş matematikler 4 altyn, 5 kümüş, 7 bürünç medal gazandylar...

14.09.2023 01:16
24k+

Täjigistanda Merkezi Aziýa döwletleriniň ýokary okuw mekdepleriniň rektorlarynyň forumy geçirildi

13-nji sentýabrda Täjigistanyň paýtagty Duşenbe şäherindäki Täjik milli uniwersitetinde Merkezi Aziýa döwletleriniň ýokary okuw mekdepleriniň rektorlarynyň ikinji forumy geçirildi. Bu barada Täjigistanyň Bilim...

31.05.2025 14:55
11k+

Ilaty has bilimli ýurtlaryň reýtingi çap edildi

Ýurduň abadançylygy köp babatda zähmete ukyply ilatyň bilim derejesine baglydyr. Bilimli hünärmenler köplenç ýokary netijeliligi gazanýarlar, innowasiýalary ornaşdyrýarlar we ykdysady ösüşe goşant goşýarlar. Olaryň goşandy döwletiň ösüşi üçin durnukly esas döredýär...