Şu gün, 6-njy awgustda «Awaza» Milli syýahatçylyk zolagynda Türkmenistanyň Prezidenti Gurbanguly Berdimuhamedow Özbegistanyň Prezidenti Şawkat Mirziýoýew bilen duşuşdy.
Iki ýurduň Liderleri ikitaraplaýyn gatnaşyklaryň ileri tutulýan ugurlaryny, hususan-da, söwda-ykdysady aragatnaşyklary giňeltmek meselelerini maslahatlaşdylar.
Ulag-logistika infrastrukturasyny ösdürmek, Günorta Kawkaz we Günorta Aziýa geçelgeleri arkaly täze bazarlara çykmak, şol sanda Türkmenistanyň, Özbegistanyň, Eýranyň we Omanyň arasyndaky Aşgabat ylalaşygyna laýyklykda, ulag we üstaşyr geçelgeleri emele getirmek mowzuklary barada pikir alşyldy.
Ş.Mirziýoýew Merkezi Aziýa döwletleriniň Baştutanlarynyň Konsultatiw duşuşygynyň ýokary guramaçylyk derejesini belläp, bu duşuşygyň sebit hyzmatdaşlygyny berkitmekde nobatdaky tapgyr boljakdygyny belledi.
