Şu gün, 6-njy awgustda Prezident Gurbanguly Berdimuhamedow «Awaza» Milli syýahatçylyk zolagynda Gyrgyz Respublikasynyň Prezidenti Sadyr Japarow bilen duşuşdy.
Duşuşyk Merkezi Aziýa döwletleriniň Baştutanlarynyň Konsultatiw maslahatynyň çäklerinde geçirildi.
Duşuşygyň barşynda iki ýurduň Liderleri söwda-ykdysady hyzmatdaşlygy, Türkmenistandan Gyrgyzystana tebigy gazy we elektrik energiýasyny import etmek, syýahatçylyk we beýleki meseleleri maslahatlaşdylar.
S.Japarow energetika, söwda, ulag, üstaşyr geçirimler, şeýle hem häzirki döwrüň wehimlerine garşy durmak ýaly meseleleriň bilelikdäki garaýyşlary we çözgüdi gözlemekligi talap edýändigini belledi.
Iki ýurduň Liderleri şeýle hem Awazada geçirilýän Merkezi Aziýa döwletleriniň Baştutanlarynyň maslahatynyň ähmiýetini nygtap geçdiler.
