Ýaponiýaly Takanori Nagase (81 kg) we fransuz Klariss Agbenýenu (63 kg) öz agram kategoriýalarynda dzýudo boýunça Olimpiýa ýaryşynyň altyn medalyny gazandylar.
Altyn medal üçin söweşde ýaponiýaly türgen Mongoliýanyň wekili Said Mollaýeni ýeňdi. Eks-eýranly Olimpiadanyň kümüş baýrakçysy boldy. Bürünç medallary Awstriýanyň wekili Şamil Borçaşwili we belgiýaly Mattias Kasse aldy.
Zenanlaryň söweşinde Klariss Agbenýenu ýeňilmän finala çykdy we bu tapgyrda sloweniýaly Tina Trstenýagy ýeňdi. Trstenýak kümüş medala mynasyp boldy. Italiýaly Mariýa Çetraççi we kanadaly Katrin Buşemin ýaryşyň bürünç medalyny aldy.
Nagase 27 ýaşynda, ol Olimpiadanyň (2016) bürünç baýrakçysy, şeýle-de dünýä çempionatynyň (2015) altyn medalynyň eýesidir.
Agbenýenu – fransuz dzýudosynyň taryhynda iň köp baýrakly türgen: 2016-njy ýyldaky Olimpiýa oýunlarynyň kümüş baýrakçysy, bäş gezek dünýä çempiony, dört gezek Ýewropa çempiony.
