«PSŽ» möhletinden ir Fransiýanyň çempionatynyň ýeňijisi boldy.
29-njy tapgyryň duşuşygynda «PSŽ» «Lans» toparyny 2:0 hasabynda utdy. Gollary Hwiça Kwarasheliýa (29-njy minut) we Ibrahim Mbaýe (90+3) geçirdi.
Çempionatyň tamamlanmagyna bir tapgyr galanda «PSŽ-niň» hasabynda 76 utuk bar. Ikinji ýerde gelýän «Lans» (67 utuk) indi onuň yzyndan ýetip bilmeýär.
«Lans» bilen duşuşyk aslynda 11-nji aprelde geçirilmelidi, ýöne «PSŽ»-niň Çempionlar ligasynyň çärýek finalyna gatnaşmagy sebäpli oýnuň wagty üýtgedildi.
«PSŽ» yzygiderli bäşinji gezek Fransiýanyň çempiony boldy. Parižliler üçin bu taryhda 14-nji çempionlyk bolup, ol absolýut rekorddyr. Bu reýtingde ikinji ýerde «Sent-Etýen» (10 titul), üçünji ýerde bolsa «Marsel» (9 titul) durýar.
Indiki tapgyrda «PSŽ» «Pariž» topary bilen duşuşar, «Lans» bolsa «Lion» bilen oýnar. Liga 1-iň 34-nji tapgyrynyň ähli duşuşyklary 17-nji maýda geçiriler.
Şeýle hem, «PSŽ» 30-njy maýda Çempionlar ligasynyň finalynda oýnar. Aýgytlaýjy duşuşyk Budapeştdäki «Puşkaş Arena» stadionynda bolar.
