Çempionlar ligasynyň ýeňijisi «Pari Sen-Žermeniň» we Ýewropa ligasynyň çempiony «Aston Willanyň» arasyndaky UEFA-nyň Superkubogy — 2026 ugrundaky duşuşyk 12-nji awgustda geçiriler. Oýun Awstriýanyň Zalsburg şäherindäki «Red Bull Arena» stadionynda bolar diýlip, UEFA-nyň metbugat gullugy habar berýär.
Düýn «PSŽ» Budapeştde geçen ÇL-iň finalynda Londonyň «Arsenal» toparyny utmagy başardy. Duşuşygyň esasy we goşmaça wagty 1:1 hasabynda tamamlanyp, parižliler oýundan soňky penalti tapgyrynda has takyk boldy — 4:3.
Öz gezeginde, «Aston Willa» Stambulda geçirilen finalda Germaniýanyň «Fraýburg» toparyny 3:0 hasabynda utup, Ýewropa ligasynyň kubogyny eýeledi. «Willa» üçin bu ýewrokubok üstünligi 1982-nji ýyldan bäri, ýagny toparyň Ýewropa çempionlarynyň kubogyny (häzirki Çempionlar ligasyny) gazanany bäri ilkinji üstünlik boldy.
UEFA-nyň Superkubogy, adatça bolşy ýaly, täze Ýewropa futbol möwsümini açýar. Bu kubogyň häzirki eýesi «PSŽ» bolup, ol 2025-nji ýylda Angliýanyň «Tottenhem» toparyny penalti tapgyrynda (esasy wagt 2:2 tamamlandy) 4:3 hasabynda utdy.
