2021-nji ýylyň 26-27-nji iýulynda Duşenbe şäherinde "Haýýat ridjensi" myhmanhanasynda Howanyň üýtgemegi boýunça dördünji Merkezi Aziýa konferensiýasy geçirilýär. Bu barada NIAT "Howar"-a salgylanyp, Trend habar berdi.
Howanyň üýtgemegi boýunça dördünji Merkezi Aziýa konferensiýasy Täjigistan Respublikasynyň hökümetiniň goldawy bilen Merkezi Aziýanyň Sebit Daşky Gurşaw Merkeziniň (CAREC) Daşky gurşawy goramak komiteti tarapyndan guralýar.
Daşky gurşawy goramak komitetinde habar berlişi ýaly, bu konferensiýa Merkezi Aziýanyň Sebit Daşky Gurşaw Merkeziniň (CAREC) işläp başlamagynyň 20 ýyllygyna gabat gelýär. Bu Merkez özboluşly wezipäni - daşky gurşawy goramak babatynda milli we sebit meselelerini çözmekde Merkezi Aziýa ýurtlaryna ýardam bermek wezipesini ýerine ýetirýär.
Howanyň üýtgemegi boýunça dördünji Merkezi Aziýa konferensiýasynda howanyň maliýeleşdirilmegi meselesine hem serediler, şeýle hem milli we sebit derejesinde howanyň üýtgemegi bilen bagly täsirleri gowşatmak üçin potensial maliýe çeşmeleri hödürlener.
