Eýran diňe bir içerki talaplary kanagatlandyrman, eýsem koronawirusa garşy sanjymy eksport edijileriň biri bolar. Bu barada Eýranyň Paster adyndaky institutynyň müdiri Alireza Biglari habar berdi diýip, Yslam Respublikasynyň habarlar agentligine salgylanyp, Trend belleýär.
“Öňümizdäki aýlarda diňe bir koronawirusa garşy umumy sanjym bolman, eýsem Eýranyň hem öz sanjymlaryny eksport edip bilmegine garaşylýar” – diýip, ol belledi.
Ol Eýranyň Paster instituty tarapyndan döredilen “BCG” (“БЦЖ”) inçekesele garşy eýran sanjymynyň hem beýleki ýurtlarda millionlarça adamyň janyny halas edendigini ýatlady.
26-njy aprelde Yspyhanyň lukmançylyk uniwersitetinde Eýrandaky Paster institutynyň we Kubadaky Finli institutynyň koronawirusa garşy sanjymynyň kliniki synaglarynyň üçünji tapgyry başlandy.
Yspyhanda, Babolda, Bender-Abbasda, Zanjanda, Saride, Kermanda, Hemedanda we Ýezdde 24 müň meýletinçi eýran sanjymynyň birinji dozasyny aldy.
