Türkmenistan Ispaniýadan getirilýän harytlaryň importyny artdyrdy

  • 01.07.2021 13:38
  • 12k+

2020-nji ýylda Ispaniýadan Türkmenistana eksportyň möçberi 30,5 million ýewro barabar boldy. Munuň özi geçen ýylky bilen deňeşdirilende, ösüş depgininiň ýokarydygyny görkezýär. Bu barada Ispaniýanyň Oba hojalyk ministrliginiň maglumatlaryna salgylanyp, trend.az habar berýär.

«Agaç we agaç önümleri, mebel, oturgyçlar we lampalar, elektrik enjamlary we materiallary, kakao ýaly harytlar esasy eksport edilen önümler boldy» diýip, ministrlik habar berýär. Habar berlişi ýaly, Türkmenistandan Ispaniýa importyň möçberi 2020-nji ýylda 1,3 million ýewro deň boldy. Dökünler Türkmenistandan iberilen önümleriň esasyny düzdi.
Ispaniýanyň Daşary işler we halkara hyzmatdaşlyk ministrliginiň berýän maglumatlaryna görä, IBERTEST, IDOM, INDRA, TALGO, REPSOL, TÉCNICAS REUNIDA, TYPSA ýaly kompaniýalar Türkmenistan bilen hyzmatdaşlyk edýän ispan kompaniýalarynyň sanawyna girýär. Bellenilişi ýaly, 2020-nji ýylyň ilkinji sekiz aýynda Türkmenistana Ispaniýanyň eksportynyň möçberi 8,9 million ýewro barabar boldy.


düýn 19:04
4.2k+

Wýetnamda ýurtda ilkinji erkin ykdysady zolak dörediler

Wýetnamda ýurduň ilkinji erkin söwda zolagy dörediler. Bu zolak ýurduň merkezi bölegindäki tehnologiýa we syýahatçylyk merkezi bolan Danang şäherinde ýerleşer diýip, Nikkei neşiri habar berýär.  Hökümet bu taslamanyň ýurduň ykdysady ösüşine itergi bermegine we 2045-nji ýyla çenli ýokary girdejili döwlet bolmak maksadyna ýetmäge kömek etjekdigine garaşýar...

düýn 12:10
5.5k+

RF-niň daşary işler ministri Lawrow ýaş türkmen diplomatlarynyň öňünde çykyş etdi

25-nji iýunda Aşgabatda “Ýyldyz” myhmanhanasynda Russiýanyň daşary işler ministri S.W.Lawrow Türkmenistanyň Daşary işler ministrliginiň işgärleriniň, şeýle hem Türkmenistanyň DIM-iň Halkara gatnaşyklary institutynyň mugallymlarynyň we talyplarynyň öňünde çykyş etdi...

düýn 12:05
3.5k+

Türkmenistan Hazarýaka döwletleriniň ýolbaşçylarynyň ýörite sammitini geçirmegi teklip edýär

Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi...

düýn 11:58
4.1k+

Türkmenistanyň we RF-niň Daşary işler ministrlikleri 2025-2026-njy ýyllar üçin hyzmatdaşlyk Maksatnamasyna gol çekdiler

25-nji iýunda Türkmenistanyň Daşary işler ministrliginde Russiýa Federasiýasynyň daşary işler ministri Sergeý Lawrowyň ýolbaşçylygyndaky wekiliýet bilen duşuşyk geçirildi. Gepleşikleriň gün tertibine döwletara gatnaşyklary mundan beýläk-de ösdürmegiň möhüm meseleleri girizildi...