Ilon Mask özüniň soňky jaýyny satýar

  • 16.06.2021 20:47
  • 23k+

"Tesla-nyň" esaslandyryjysy Ilon Mask Twitterde özüniň iň soňky öýüni - San-Fransisko aýlag sebitindäki uly jaýyny satmak kararyna gelendigini aýtdy. Bu barada kommersant.ru habar berdi.

Bu jaýy satmak bilen, telekeçi bir ýyl mundan ozal ähli mülküni we galan emläginiň ep-esli bölegini satmak baradaky wadasyny resmi taýdan ýerine ýetirer.

“Men özümde galan iň soňky jaýymy satmagy makul bildim. Ony içinde ýaşaýjak bir uly maşgalanyň satyn almagy gerek. Bu aýratyn ýer"-diýip, Mask Twitterde ýazdy.

Mask bu wadany özüniň biçak baýdygy baradaky tankytlamalara jogap hökmünde beripdi. Onuň iň soňky jaýynyň satylýandygy baradaky habar "ProPublica"-nyň derňewiniň maglumatlary çap edilenden bir hepde soň mälim bolupdy. Onda Ilon Mask ýaly 25 sany amerikaly baýyň umumy düzgünlerde görkezilen girdeji salgydyny ep-esli az töländigi barada aýdylýar.
2020-nji ýylyň maý aýynda Ilon Maskyň gozgalmaýan emläginiň tutuş portfeliniň bahasy 100 million dollar, ýagny Los Anjelesdäki we San-Fransiskodaky ýedi sany kaşaň jaý boldy. Iň soňky jaýyň satylmagy bilen, telekeçiniň eýeçiliginde hiç hili gozgalmaýan emläk galmaýar. Onuň özi bolsa geçen ýyldan bäri Tehasda ýaşaýar we 50 000 dollara öz gözegçilik edýän “SpaceX” kompaniýasyndan jaý kärendesine alýar.


20.06.2025 17:28
1.5k+

Maskyň xAI startapy girdeji almak maksady bilen her aý $1 mlrd sarp edýär

Ilon Maskyň xAI startapy her aý 1 mlrd dollar sarp edýär, çünki ösen EA modellerini döretmek üçin çykdajylar kompaniýanyň girdejisinden ýokary bolýar. Bu barada çeşmelere salgylanyp, Bloomberg habar berýär. Çykdajylary ýapmak üçin xAI karz we paýdarlar kapitaly görnüşinde 9,3 mlrd dollar çekmäge synanyşýar...

07.06.2025 23:11
19k+

Tesla Maskyň Tramp bilen düşünişmezligi sebäpli bir günde $150 mlrd ýitirdi. Maskyň özi $34 mlrd ýitirdi

Tesla-nyň bazar bahasy bir günde 150 mlrd dollar arzanlady. Elektrokar öndürijisiniň paýnama bahalarynyň pese gaçmagy sebäpli, kompaniýanyň ýolbaşçysy Ilon Maskyň öz baýlygy bir günde birbada 33,9 mlrd dollar azaldy diýip, Reuters habar berýär...

25.05.2025 19:08
5.9k+

Ilon Mask Tesla-nyň baş direktorlygyndan aýrylmagy meýilleşdirmeýär

«Tesla» kompaniýasynyň ýolbaşçysy Ilon Mask özüniň baş direktorlyk wezipesinden çekilmegi meýilleşdirmeýändigini mälim etdi. Ol täze baş direktoryň diňe onuň aradan çykmagy bilen gelip biljekdigini aýtdy diýip, «Carscoops» habar berýär...

11.04.2025 16:13
5.7k+

Apple iň gymmat kompaniýa adyny gaýdyp aldy, Maskyň baýlygy bolsa bir günde 36 mlrd dollar artdy

9-njy aprelde Apple kompaniýasynyň paýnamalarynyň bahasy 15% ýokarlandy – bu 1998-nji ýyldan bäri iň uly bir günlük ösüş boldy. Muňa ABŞ-nyň Prezidenti Donald Trampyň Wýetnam, Hindistan we Tailand ýaly Apple kompaniýasynyň...