2020-nji ýylda RF-niň Ulýanowsk sebiti bilen Türkmenistanyň söwda dolanyşygy ýokarlandy

  • 16.06.2021 20:15
  • 12k+

2020-nji ýylda Russiýanyň Ulýanowsk sebiti bilen Türkmenistanyň arasyndaky söwda dolanyşygy 3,280 million dollara barabar boldy diýip, Trend-e Ulýanowsk sebitiniň gubernatorynyň we hökümetiniň metbugat gullugynda habar berildi.

Şol sanda 1,251 million dollar möçberde pagta import edildi. 

“2019-njy ýylda söwda dolanyşygynyň mukdary 403,7 müň dollara, şol sanda eksport 60,1 müň dollara, import 343,6 müň dollara barabar boldy” – diýlip, habarda aýdylýar.

Maglumatlara görä, Ulýanowsk sebitiniň kompaniýalary daşary ýurt hyzmatdaşyny awtomobil şaýlary üçin podşipnikler we UAZ awtomobilleri bilen üpjün etdiler. Şeýle-de, Ulýanowsk sebitinde “Parahat” medeniýeti gorap saklamak we ösdürmek boýunça sebitleýin türkmen jemgyýetçilik guramasynyň hereket edýändigi bellenildi.
Russiýanyň Daşary işler ministrliginiň Trend-e habar bermegine görä, 2020-nji ýylda rus-türkmen söwdasynda oňyn ösüş dowam etdi, 2019-njy ýyl bilen deňeşdirilende, söwda dolanyşygy 39,6 göterim ýokarlanyp, 970,2 million dollara ýetdi (türkmen gaz üpjünçiligini hasaba almazdan). Eksportuň göwrümi 19,6 göterim (649,5 million dollara çenli), import 11,6 göterim (320,6 million dollara çenli) ýokarlandy.

“2020-nji ýylda Türkmenistana, esasan, metallar we metal önümleri; azyk harytlary we oba hojalyk çig mallary; himiýa senagatynyň önümleri; maşynlar, enjamlar we ulag serişdeleri eksport edildi” – diýip, ministrlik belledi.

Türkmenistandan importuň esasy önümleri himiýa senagatynyň önümleri; dokma önümleri, ondan taýýarlanan önümler we aýakgap; azyk harytlary we oba hojalyk çig mallary; mineral önümler boldy.


31.05.2025 09:06
6.7k+

Serdar Berdimuhamedowyň Astanada «Merkezi Aziýa — Italiýa» birinji sammitinde eden çykyşy

(Astana şäheri, 2025-nji ýylyň 30-njy maýy) Hormatly Italiýa Respublikasynyň Premýer-ministri hanym Jorja Meloni! Hormatly Merkezi Aziýa döwletleriniň Baştutanlary! Wekiliýetleriň agzalary! Hanymlar we jenaplar...

31.05.2025 09:01
5.4k+

Türkmenistanyň Prezidenti «Merkezi Aziýa — Italiýa» sammitine gatnaşdy

30-njy maýda Prezident Serdar Berdimuhamedow Astana şäherinde geçirilen «Merkezi Aziýa — Italiýa» görnüşindäki birinji sammite gatnaşdy. Sammitiň geçirilen ýeri bolan «Garaşsyzlyk» köşgüniň eýwanynda Türkmenistanyň Prezidentini Gazagystanyň Prezidenti Kasym-Žomart Tokaýew garşylady...

31.05.2025 08:44
6.1k+

Serdar Berdimuhamedow Italiýa bilen hyzmatdaşlygy ulgamlaşdyrmak boýunça tekliplerini beýan etdi

30-njy maýda Gazagystanda «Merkezi Aziýa — Italiýa» görnüşindäki sammite gatnaşmagynyň çäklerinde Prezident Serdar Berdimuhamedow Italiýanyň Premýer-ministri Jorja Meloni bilen duşuşdy diýip, TDH habar berýär....

31.05.2025 08:33
3k+

Serdar Berdimuhamedow Astanada Kasym-Žomart Tokaýew bilen duşuşdy

30-njy maýda Gazagystana iş saparynyň çäklerinde Prezident Serdar Berdimuhamedow Prezident Kasym-Žomart Tokaýew bilen duşuşdy. Söhbetdeşler sebit we ählumumy gün tertibiniň möhüm meseleleri, hususan-da, parahatçylygy...