Sindzo Abe möhletinden öň işden gideninden soň, täze premýer ministr sentýabryň ortalarynda saýlanylar diýlip, Kyodo agentligi habar berýär. Muny rosbalt.ru ýetirýär.
Hökümete dolandyryjy Liberal-demokratik partiýanyň 14-nji sentýabrda saýlanyljak başlygy ýolbaşçylyk eder. 17-nji sentýabrda parlament täze premýeriň dalaşgärligini maslahatlaşmak we tassyklamak üçin mejlise ýygnanyşar.
Iki wezipä üç sany dalaşgär bar: eks-ýolbaşçy Fumio Kisida, hökümetiň baş sekretary Ýesihida Suga we Goranmak ministrliginiň hem-de Oba hojalyk ministrliginiň ozalky ýolbaşçysy Sigeru Isiba.
Birnäçe gün mundan öň, Abeniň yzyny dowam etdirijiniň Ýaponiýanyň dolandyryjy Liberal-demokratik partiýasynyň baş sekretary Tosihiro Nikainiň bolmagynyň mümkindigini aýtdylar.
“Parlamentiň nobatdan daşary mejlisi 17-nji sentýabra meýilleşdirilýär. Häzirki wagtda Liberal-demokratik partiýa 14-nji sentýabrdaky lideriň wezipesine dalaşgärlik boýunça ses bermeklige soňky taýýarlyk işlerini alyp barýar” – diýlip, habarda aýdylýar.
Ýatladyp geçsek, 28-nji awgustda Ýaponiýanyň premýer-ministri Sindzo Abe kesel bilen baglylykda wezipesinden gitdi. Onda hroniki kesel – başly kolit beterleşdi we güýçli agyry döräp başlady.