Mark Sukerberg birinji ýüz milliard dollaryny gazandy

  • 10.08.2020 16:01
  • 8.8k+

Dünýäniň iň baý adamlaryndan biri bolan Facebook toruny esaslandyryjy Mark Sukerbergiň baýlygy ýüz milliard dollardan geçdi. Bu barada RIA Nowosti habar berýär.

Mark Sukerberg 23 ýaşynda milliardyň eýesi boldy. 36 ýaşynda ol baýlygyny ýüz milliarda ýetirdi. Bloomberg Billionaires Index reýtinginiň görkezijisine laýyklykda, 100 milliard dollardan gowrak baýlyga Amazon kompaniýasynyň ýolbaşçysy Jeff Bezos we Microsoft-yň ýolbaşçysy Bill Geýts hem eýeçilik edýär. Soňky ýylyň içinde Sukerberg $22 mlrd, Bezos bolsa $75 mlrd baýady.
Sukerbergiň baýlygy bäsdeş programmasy TikTok-yň gadagan edilendigi baradaky habar ýaýrandan soň ösdi. 5-nji awgustda internet tory Instagram Reels gysga wideolaryň serwisini tutuş dünýä boýunça 50-den gowrak ýurtda işe girizýändigi barada habar berdi.
Häzir ABŞ-nyň iň uly tehnologik kompaniýalarynyň bäşligi, ýagny Apple, Amazon, Alphabet (Google), Facebook we Microsoft ABŞ-nyň jemi içerki önüminiň, takmynan, 30%-ine deň bolan bazar bahasyna eýe. Bu 2018-nji ýyldakydan tas iki esse köp.
Koronawirus pandemiýasy tutuş dünýä boýunça uly tehnologik kompaniýalaryň ýolbaşçylarynyň maddy ýagdaýynyň hem ösmegine ýardam etdi. Meselem, Tencent Holdings Ltd. (Hytaý) kompaniýasynyň baş müdiri Poni Ma $17 mlrd gazandy, Pinduoduo Inc. (Hytaý) kompaniýasyndan Kolin Huanyň baýlygy bolsa $13 milliarddan $32 milliarda çenli ýokarlandy.

Şeýle hem okap bilersiňiz:

11.06.2025 16:04
2k+

ChatGPT çat-boty OpenAI-e ýylda $10 mlrd girdeji getirip başlady

OpenAI kompaniýasy ChatGPT çat-boty işe girizilenden soň üç ýyldan az wagtyň içinde 10 mlrd dollar möçberde ýyllyk girdejä ýetdi. Bu barada kompaniýanyň wekiline salgylanyp, CNBC teleýaýlymy habar berdi. Esasy...

10.06.2025 15:23
1.4k+

Warner Bros. Discovery iki kompaniýa bölünýär

Warner Bros. Discovery amerikan korporasiýasy iki garaşsyz jemgyýetçilik kompaniýasyna bölünýändigini habar berdi. Korporasiýanyň beýanynda bu çözgüdiň her bir iş ugrunyň mümkinçiliklerini doly açyp görkezmäge gönükdirilendigi aýdylýar...

08.06.2025 21:03
9.1k+

Forbes dünýäniň iň baý zenanlarynyň reýtingini hödürledi

“Forbes” amerikan žurnaly dünýäniň iň baý zenanlarynyň ýyllyk reýtingini hödürledi. Reýtingde birinji orny telekeçi Diana Hendriks – ABC Supply gurluşyk kompaniýasynyň eýesi eýeledi. Onuň baýlygy 22,3 mlrd dollar diýlip hasaplanýar...

07.06.2025 23:11
18k+

Tesla Maskyň Tramp bilen düşünişmezligi sebäpli bir günde $150 mlrd ýitirdi. Maskyň özi $34 mlrd ýitirdi

Tesla-nyň bazar bahasy bir günde 150 mlrd dollar arzanlady. Elektrokar öndürijisiniň paýnama bahalarynyň pese gaçmagy sebäpli, kompaniýanyň ýolbaşçysy Ilon Maskyň öz baýlygy bir günde birbada 33,9 mlrd dollar azaldy diýip, Reuters habar berýär...