Türkmenistanyň Saglygy goraýyş we derman senagaty ministrligi COVID-19-yň öňüni almak, eýeçiligine garamazdan ähli edaralarda sanitariýa we arassaçylyk çärelerini geçirmek boýunça täzelenen gollanma paýlady. ORIENT-iň habaryna görä, bu gollanma Türkmenistanda ýokanç keselleriň ýaýramagynyň öňüni almak üçin döredildi.
Gollanmada sanitariýa we arassaçylyk işleriniň ýerine ýetirilişi, dezinfeksiýa etmegiň usullary, şahsy we köpçülikleýin epidemiologiki gorag, lukmançylyk edaralarynyň we hyzmat ediş kärhanalarynyň işgärleriniň özüni alyp barşy barada jikme-jik görkezmeler berilýär. Mysal üçin, gollanmada köpçülik ýerlerinde we jemgyýetçilik ulaglarynda dezinfeksiýa etmegiň usullary beýan edilýär.
Ýadymyzda bolsa, ýakynda TmCars Habarlar Bütindünýä Saglygy Goraýyş Guramasynyň hünärmenlerinden ybarat toparyň ýurtdaky epidemiologiki ýagdaýa baha bermek we COVID-19-dan goranmak çärelerini gowulandyrmak boýunça teklipleri bermek üçin Türkmenistana gelendigini habar beripdi.
