Hindistanyň altyn-kümüş kompaniýasynyň önümi göwher sany boýunça Ginnesiň rekordlar kitabyna girdi. Bu ýüzük 24 679 daşdan durýar diýlip, rekordlar kitabynyň saýtynda habar berilýär. Muny centralasia.media ýetirýär.
Ýüzük “Ami” diýlip atlandyrylýar we bu sanskrit dilinde “bakylyk” manysyny berýär. Önümiň dizaýny gülgüne kömelege esaslanýar.
“Kömelek bakylygy we uzak ömri aňladýar” – diýip, SWA Diamonds kompaniýasynyň dolandyryjy müdiri Abdul Gafur Anadiýan aýdýar.
Agramy, takmynan, 340 gram bolan ýüzük SWA Diamonds tarapyndan $95 243 bilen bahalandyryldy.
