Türkmenistanda hepdelik howa maglumaty (11.07 — 17.07)

Türkmenistanda hepdelik howa maglumaty (11.07 — 17.07)

Türkmenistanda az-kem salkyn howa akymyndan soň, howanyň ýene gyzmagyna garaşylýar. Ýurdumyzyň käbir etraplarynda howa +42 derejä çenli gyzar we wagtal-wagtal güýçli şemal öwser.

Aşgabatda we Ahal welaýatynda duşenbe güni howa +39 derejä çenli gyzar, sişenbe güni bolsa gyzgynlyk çala aşaklap +38 dereje, çarşenbe güni +37 dereje bolmagyna garaşylýar. Penşenbe güni howa +40 derejä çenli gyzar. Anna gününden şenbe gününe çenli bolsa temperatura +39 - +38 derejede saklanar.

Balkan welaýatynda duşenbeden çarşenbä çenli aňrybaş temperatura +41 dereje töwereginde saklanar. Penşenbe gününden hepdäniň ahyryna çenli howanyň yssylygy +42 dereje töwereginde bolar. 

Daşoguz welaýatynda howa maglumaty gullugy duşenbe we sişenbe günleri temperatura +37 - +36 dereje töwereginde bolar diýip çaklaýarlar. Çarşenbe güni howa +40 derejä çenli gyzar. Penşenbe we anna günleri howanyň gyzgynlygynyň +39 dereje bolmagyna garaşylýar. Şenbe güni temperatura +37 dereje, ýekşenbe güni bolsa +40 dereje bolar. 

Mary welaýatynda duşenbe güni howa +39, sişenbe güni bolsa +38 derejä çenli gyzar. Çarşenbe gününden hepdäniň ahyryna çenli aňrybaş temperatura +40 töwereginde bolar. Penşenbe we anna günleri tizligi sekuntda 15-16 metre ýetýän şemalyň öwüsmegine garaşylýar.

Lebap welaýatynda duşenbe we sişenbe günleri temperatura +38 dereje töwereginde bolar. Çarşenbe we penşenbe günleri howa  +40 derejä çenli gyzar. Anna we şenbe günleri bolsa howanyň gyzgynlygy +39 , ýekşenbe güni  +41 derejä ýeter. Çarşenbeden ýekşenbä çenli tizligi sekuntda 17 metre ýetýän şemalyň bolmagyna garaşylýar.