BSGG-niň ýolbaşçysy Tedros Adhanom Gebreýesus adamlaryň arasynda maýmyn mamasynyň ýaýramagy bilen bagly alada galýar we 18-nji iýulda başlajak hepdäniň dowamynda bu mesele boýunça gyssagly mejlis çagyrmakçy bolýar. Bu barada “Le Figaro” habar berýär diýip, interfax.ru belleýär.
“Maýmyn mamasynyň gerimi we ýaýramagy meni henizem alada goýýar” – diýip, “Le Figaro” Gebreýesusyň sözlerini getirýär.
Şunuň bilen baglylykda, BSGG-niň ýolbaşçysy çökgünligiň derejesine baha bermek üçin adatdan daşary mejlisiň çagyryljakdygyny mälim etdi, ol 18-nji iýulda başlajak hepdäniň dowamynda geçiriler diýip, gazet ýazýar.
Gebreýesus häzirki wagtda 58 ýurtda 6 müňden gowrak kesel hadysasynyň hasaba alnandygyny belledi.
Maýmyn mamasy – Merkezi we Günbatar Afrikanyň uzak sebitlerinde ýaýran seýrek duş gelýän ýokanç kesel. Onuň alamatlary – ýürekbulanma, temperatura, örgün, gijelewük we myşsalarda agyry.
