Geçen şenbe güni ýörite uçar gatnawy bilen Türkmenistana çagalaryň meýilnamalaýyn immunizasiýasy üçin esasy sanjymlar getirildi diýip, ÝUNISEF-iň wekili Mohammad Faýazi ýerli metbugata habar berdi. Sanjymlar türkmen hökümeti bilen halkara guramanyň hyzmatdaşlygynyň çäginde 2022-nji ýylyň dowamynda ilkinji gezek getirildi.
Sanjymlaryň hataryna inçekeseli anyklaýjylar we:
- poliomiýelite;
- gyzamyga;
- epidemiýa häsiýetli hapgyrtma we gyzylja;
- inçekesele;
- rotawirusa;
- täjihoraza;
- bürmek anatoksinine we gökbogma garşy dermanlar girýär.
Getirilen däri-dermanlaryň ählisini Türkmenistan öz hasabyna satyn aldy we ýurduň ähli çagalaryna meýilnamalaýyn sanjymlary etmekde ulanylar diýip, ÝUNISEF-iň wekili nygtady.
Sanjymlar adamlara waksinanyň peýdasyny we onuň howpsuzdygyny düşündirmek maksady bilen, her ýylyň aprel aýynda Ýewropa sebitinde geçirilýän Ýewropa immunizasiýa hepdeliginiň geçýän döwründe getirildi.
2019-njy ýyldan başlap, Türkmenistanda senenama boýunça geçirilýän sanjymlar BSGG-niň maslahatlaryna doly laýyklykda, türkmenistanlylary möhüm sanjymlar bilen muzdsuz üpjün etmek arkaly amala aşyrylýar.