Kaliforniýanyň ýarym marafonyndaky ylgawçy Çad Kempel Ginnesiň dünýä rekordyny goýdy, ol özüniň dört ýaşly bäş çagasyny arabada itekläp ylgaw ýaryşyny 2 sagat 19 minutda tamamlady. Bu barada UPI agentligi habar berýär diýip, kaspiy.az belleýär.
Çad Kempel ýekşenbe güni Oklenddäki Oklend marafonynda ýarym marafony dört ýaşly bäş çagasy oturan arabany itekläp ylgap geçdi.
“Çagalarym: “Kaka, çaltrak ylga!” diýip gygyrýardylar, men bolsa derläp, ysgyndan gaçyp barýardym. Men ylgamagy dowam etdirip bilerinmikäm diýip pikirlenýärdim” – diýip, Kempel interwýuda ýatlaýar.
Kempel 13,1 mil aralygy 2 sagat 19 minutda geçdi. Netijede, ol Ginnesiň rekordlar kitaby tarapyndan goýlan 2 sagat 30 minut rekordy täzeledi. Ol öňem 10 km aralygy we doly marafony-da bäş çagasyny itekläp geçip, dünýä rekordyny goýupdy.
Kempel Ginnesiň dünýä rekordlaryny goýmaga synanyşygyny tamamlandygyny, ýöne geljekde beýleki ýaryşlara gatnaşmagy meýilleşdirýändigini we çagalarynyň hem özi bilen bilelikde ylgamagyna umyt bildirýändigini aýtdy.
