Ýanwar-fewral aýlarynda Hytaý Merkezi Aziýadan 5 mln tonna töweregi tebigy gazy import etdi

Ýanwar-fewral aýlarynda Hytaý Merkezi Aziýadan 5 mln tonna töweregi tebigy gazy import etdi

2022-nji ýylyň ýanwar-fewral aýlarynda Hytaý Merkezi Aziýadan 4,67 mln tonna tebigy gazy import etdi diýip, gümrükhana edaralarynyň maglumatlaryna esaslanýan HHR-niň köpçülikleýin habar beriş serişdeleri ýazýar.

Türkmenistan-Hytaý gaz geçirijisiniň üç şahasy boýunça akýan mawy ýangyç häzirki wagtda Hytaýyň 20-den gowrak welaýatynyň we awtonom etrabynyň ilatynyň hajatlaryny üpjün edýär. Ýurduň 500 milliondan gowrak raýaty ekologiýa taýdan arassa tebigy gazyň hözürini görýär.
2020-nji ýyl bilen deňeşdirilende, HHR Merkezi Aziýadan mawy ýangyç almasyny 12% artdyrdy. Alnan tebigy gazyň möçberi 31,733 mln tonna töwerek boldy.
Pekiniň kömürden energiýanyň has arassa görnüşine geçmek baradaky syýasaty bilen bagly Hytaýda her ýyl mawy ýangyjyň ulanylyşy artýar. 
Şonuň netijesinde HHR tebigy gazy satyn almak boýunça dünýäde iň iri müşderi hasaplanýar we ekspertleriň baha bermegine görä, bu ornuny barha pugtalandyrýar. 
Hytaýa turba boýunça gaz ugratmakda esasy eksport edijiler Türkmenistan, Russiýa we Gazagystan bolmagynda galýar. Suwuklandyrylan gazy ugratmakda öňdebaryjylygy Awstraliýa, ABŞ we Katar elden bermän barýar.