Londonyň hökümeti COVID-19-yň omikron ştammynyň ýaýramagy zerarly adatdan daşary ýagdaý yglan etdi. Muny Angliýanyň Saglyk ministri Sajid Jawide salgylanyp, ferra.ru habar berdi.
Sajid Jawid Angliýada soňky bir günüň içinde omikron ştammy ýokuşan 10 müňden gowrak täze hassanyň hasaba alnandygyny aýtdy. Munuň özi öňküsinden üç esse köpdür. Saglygy goraýyş ministrliginiň ýolbaşçysy omikron ştammynyň ýurtda barha köpelýändigini, onuň COVID-19 ýokuşmalarynyň, takmynan, 60 göterimini tutýandygyny aýtdy.
Çeşmäniň habaryna görä, Angliýanyň hökümetinde täze, has berk koronawirusa garşy çäklendirmeler ara alnyp maslahatlaşylýar. Edil häzirki ýagdaýda bolsa, baýramçylyk günlerinde lokdaun girizmek meýilleşdirilýär.
