Serb kompaniýasy «Armani» moda öýüniň täze egin-eşik öndürijisi boldy

Serb kompaniýasy «Armani» moda öýüniň täze egin-eşik öndürijisi boldy

Serbiýanyň günortasyndaky Raşka şäherinden “Luss tekstil” kompaniýasy Italiýanyň “Armani” moda öýi bilen şertnama baglaşdy. Bu barada PKS dokma assosiasiýasynyň geňeşçisi Nemanýa Ýowanowiç Serbiýanyň PTC merkezi telewideniýesine beren interwýusynda aýtdy diýip, TASS habar berýär.

“Harytlaryň Hytaýdan Ýewropa daşalmagy sekiz esse gymmatlady. Koronawirus pandemiýasyndan öň bir konteýneriň daşalmagy, takmynan, 3 müň dollardy, häzir bolsa 23 müň dollar. Şeýle ýagdaýda kompaniýalar täze iş hyzmatdaşlaryny gözläp başladylar, “Armani” ony biziň “Luss tekstil” kompaniýamyzda tapdy” – diýip, Ýowanowiç aýtdy.

Dizaýnerden balaklar, jinsiler we kurtkalar Serbiýada öndüriler, “Armani” üçin Raşka şäherinden ilkinji iberiliş indiki ýylyň ýanwar aýyna meýilleşdiriýär. Ýowanowiç şu ýylyň ilkinji dokuz aýynda Serbiýanyň dokma önümleriniň daşary bazarlara eksportynyň artandygyny we onuň 2020-nji ýylyň degişli döwri bilen deňeşdirilende, 8% ýokary bolandygyny sözüniň üstüne goşdy. 
Serbiýa senagatynyň bu pudagynda esasy hyzmatdaşlar Italiýa, Fransiýa, Germaniýa, Awstriýa we Russiýadyr.