Wengriýanyň ýetginjekler sebit ligasynyň çäklerinde adatdan daşary sport wakasy bolup geçdi. Kişkunhalaş şäheriniň topary bilen «Çoliospalos» toparynyň arasyndaky duşuşyk 1:50 hasabynda tamamlandy.
Şowsuzlyklar owal başdan tersine başlady. Jedweliň iň soňky setirinde barýan ýer eýeleri doly düzümi ýygnap bilmän, meýdança dokuz bolup çykmaly boldular. Olaryň garşysynda bolsa çempionatynyň lideri oýnaýardy. Myhmanlar deňlik bolmagy üçin iki oýunçysyny aýryp oýnamaga razy bolmadylar. Netijede, duşuşygyň dowamynda ýeňiji toparyň esasy düzüminiň ähli oýunçylary we dört sany ätiýaçlykdaky oýunçysy tapawutlanmagy başardy. Iň köp goly 17 ýaşly Zalan geçirdi — ol birinji ýarymda 12 gol geçirenden soňra çalşyryldy. Hatda gollaryň birini derwezeban hem öz adyna ýazdyrdy.
Kişkunhalaş topary özüniň ýeke-täk goluny oýnuň 69-njy minutynda geçirdi we şol wagt hasap 1:37 boldy.
Oýundan soňra Wengriýanyň futbol federasiýasy Kişkunhalaş toparyny ýaryşdan çykardy. Munuň sebäbi — klubuň şu möwsümde eýýäm dördünji gezek oýna doly düzüm ýygnap bilmändigi boldy. Onuň gatnaşmagyndaky ähli oýunlaryň netijeleri ýatyryldy.
