Türkmenistanyň Prezidenti Mary welaýatynyň Ýolöten etrabynyň Ymambaba geňeşliginiň çäginde täze döwrebap şäherçäni gurmak barada Karara gol çekdi. Bu barada «Watan» habarlar gepleşiginde habar berildi.
Resminama «Berkarar döwletiň täze eýýamynyň Galkynyşy: Türkmenistany 2022–2052-nji ýyllarda durmuş-ykdysady taýdan ösdürmegiň Milli maksatnamasynda» bellenen wezipeleri üstünlikli durmuşa geçirmek, sebitleriň ýaşaýyş derejesini ýokarlandyrmak maksady bilen gol çekildi.
Karara laýyklykda, bu şäherçe 2026–2030-njy ýyllarda tapgyrlaýyn esasda gurlar. Gurluşyk we binagärlik ministrligine täze şäherçäniň baş meýilnamasyny üç aý möhletde işläp düzmek hem-de gurluşyk işlerine degişli gözegçiligi amala aşyrmak üçin desgalaryň direksiýasyny bellenen tertipde döretmek tabşyryldy. Bu başlangyç sebitiň durmuş-ykdysady düzümini has-da kämilleşdirmäge we ilat üçin döwrebap ýaşaýyş şertlerini döretmäge gönükdirilendir.
