Ýaponiýanyň Toyota awtoulag kompaniýasy täze bZ4X elektrikli krossowerini tanyşdyrdy. Ol awtoulag markasynyň ilkinji köpçülikleýin öndürilen elektrikli awtoulagy bolar diýip, ufatime.ru habar berdi.
Täze elektrikli krossower iki esasy modifikasiýada hödürlener. Onuň esasy wersiýasynda öň tarapky okda (osda) 204 at güýji bolan bir motor bolar, şonuň netijesinde awtoulag 8,4 sekuntda 100 kilometr/sagat tizlige çykyp biler. Beýleki wersiýasynda 109 at güýji bolan iki sany elektrikli doly çekişli hereketlendiriji bolar, bu bolsa oňa 7,7 sekuntda 100 kilometr/sagat tizlige çykmaga mümkinçilik berer.
Kuwwatlylygy 71,4 kilowat-sagat bolan akkumulýator batareýasy elektrikli awtoulagyň öň tigirli görnüşine bir zarýadda 500 kilometre, doly çekişli görnüşi üçin 460 kilometre çenli ýol geçmäge mümkinçilik berer.
Ýaponiýada Toyota bZ4X elektrikli awtoulag üçin sargytlar dekabr aýynyň ortalarynda, Ýewropada bolsa 2022-nji ýylda kabul ediler.