Hytaý 2022-nji ýylda BRICS sammitini kabul eder

Hytaý 2022-nji ýylda BRICS sammitini kabul eder

Hytaý 2022-nji ýylda XIV BRICS sammitini kabul eder. Bu barada ýurduň Prezidentiniň XIII BRICS sammitinde eden çykyşyna salgylanyp, TASS habar berdi.

XIII BRICS sammiti Hindistanyň baştutanlygynda wideokonferensiýa tertibinde geçirildi. Onda Hytaýyň ähli ugurlarda hyzmatdaşlygy mundan beýläk-de ösdürmek we umumy meseleleri çözmek üçin has ýakyndan gatnaşmak babatda birleşigiň ähli ýurtlary bilen işleşmäge taýýardygy bellenildi. Sammitde Hytaýyň prezidenti Si Szinpin çykyş edip, 2022-nji ýylda sammiti Hytaýyň kabul etjekdigini mälim etdi.

"Geljek ýyl Hytaý BRICS-e başlyklyk eder we XIV BRICS sammitini kabul eder. Hytaý BRICS ýurtlary bilen ähli ugurlarda hyzmatdaşlygy has-da pugtalandyrmak, umumy meseleleri çözmegiň we ajaýyp geljegi gurmagyň hatyrasyna has ýakyn we pragmatik gatnaşyklary ýola goýmak boýunça tagallalaryň birleşdiriljekdigine umyt baglaýar" -diýip, Si Szinpin öz çykyşynda aýtdy.

Şeýle hem Hytaýyň lideri BRICS ýurtlarynyň soňky 15 ýylda strategiki hyzmatdaşlygy we syýasy ynamy has-da berkidendiklerini belledi.