Şweýsariýada Pi sanyny hasaplamak boýunça dünýä rekordy goýuldy

Şweýsariýada Pi sanyny hasaplamak boýunça dünýä rekordy goýuldy

Graubýunden amaly ylymlarynyň ýokary mekdebiniň hünärmenleri Pi sanyny hasaplamak boýunça täze rekord goýdular: olar superkompýuteriň kömegi bilen oturdan soň 62,8 trilliondan gowrak sifri anyklamagy başardylar, bu mundan öňki dünýä rekordyndan 12,8 trillion sifr köpdür diýip, realnoevremya.ru habar berýär.

“Şenbe güni ir sagat 9:30-da Analitikanyň we modelirleme wizualizasiýasynyň maglumatlar merkeziniň (DAVIS) ýokary öndürijilikli kompýuteri oturdan soň 62 831 853 071 796 sifr bilen Pi sanyny hasaplamagy üstünlikli tamamlady. Şeýlelik bilen, goşmaça 12,8 trln sifr belli boldy we öňki 50 trln rekord täzelendi” – diýlip, habarda aýdylýar.

Pi-niň soňky on sifri şeýle: 7817924264.

DAVIS merkezindäki hasap işi üçin 108 gün we 9 sagat gerek boldy. Bu 2020-nji ýylda öňki rekordy goýmak üçin sarp edilen wagtdan ep-esli azdyr. Onuň awtory amerikaly Timoti Mýullikanyň hasap işine 303 gün gerek boldy.