Bloomberg: täze iPhone kämilleşdirilen kamera eýe bolar

Bloomberg: täze iPhone kämilleşdirilen kamera eýe bolar

iPhone-yň indiki wersiýasynda kameranyň üç sany täze aýratynlygy hödürlener. Bu barada Bloomberg agentligine salgylanyp TASS ýetirýär.

Işlenip düzülýän telefon modelinde telefonuň portret režiminiň täze funksiýasy, wideony ýokary hilli ProRes formatynda ýazgy etmek mümkinçiligi bolar. Agentligiň habarçylary smartfonlara wideo düşürmede hem portret režiminiň goşuljakdygyny tassyklaýarlar. Surat üçin bu režim ilkinji gezek 2016-njy ýylda iPhone 7 Pro smartfonunda hödürlenipdi. Ýene bir aýratynlyk ulanyjylara suratlarynda reňk düzümlerini üýtgetmäge we öwüşginleri sazlamaga mümkinçilik berer.

Täze smartfon modeliniň ýakyn hepdelerde satuwa çykmagyna garaşylýar.

1976-njy ýylda esaslandyrylan Apple kompaniýasy iPhone smartfonlaryny, iPad planşetlerini, iMac kompýuterlerini, MacBook noutbuklaryny, iPod aýdym-saz pleýerlerini we beýleki ýokary tehnologiýaly tehnikalary öndürýär. Korporasiýanyň ştab-kwartirasy Kupertinoda (Kaliforniýa ştaty) ýerleşýär.