HBO Max platformasy 2026-njy ýylyň ikinji ýarymynda ekrana çykaryljak taslamalaryň tanyşdyryş wideosyny hödürledi. Onda «Harri Potter we jadygöýiň daşy», «Fonarlar» (Lanterns), «Aždarhanyň öýi» ýaly seriallardan hem-de beýleki täze filmlerden kadrlar görkezilýär.
«Diri galan oglanjyk» baradaky täze serial tomaşaçylaryň aýratyn ünsüni çekdi. Tizerde ilkinji gezek ýaş jadygöýiň kwiddiç oýnaýan pursatlary, şeýle hem özüne ilkinji jadyly taýajygy saýlaýan sahnasy görkezildi. Taslamanyň ilkinji resmi premýerasy 2026-njy ýylyň 25-nji dekabryna meýilleşdirilýär. Mundan ozal bu serialyň ilkinji tizeri HBO we HBO Max platformalarynyň taryhynda iň köp tomaşa edilen wideo bolupdy.
«Aždarhanyň öýi» serialynyň täze möwsüminiň kadrlarynda bolsa Glotkadaky söweş sahnasy — Inçe deňzi Garasuw aýlagy bilen birleşdirýän inçe bogazdaky deňiz söweşi görkezildi. Jorj Martiniň kitaplarynda bu çaknyşyk Westeros taryhyndaky iň ganly we wehimli söweşleriň biri hökmünde suratlandyrylýar.
«Fonarlar» (Lanterns) serialy bolsa supergahrymanlyk sýužetini we detektiw elementlerini özünde jemlär. Birinji möwsümiň sýužetine görä, Jon Stýuart we Hel Jordan Nebraska ştatynda bolup geçen ölümi derňär. Taslamanyň awtorlary mundan ozal bu serialyň döredilmeginde belli bir derejede «Hakyky detektiw» serialynyň atmosferasyndan ylham alnandygyny belläpdi.
Wideoşekilde görkezilen beýleki taslamalaryň arasynda — «Uly partlama teoriýasy» (Теория большого взрыва) serialynyň spin-off görnüşi bolan «Stýuart Älemi halas etjek bolýar» (Стюарт пытается спасти Вселенную), «Hard Knocks: Training Camp with the Seattle Seahawks» atly dokumental serial, şeýle hem «Pitt hassahanasy» (Больница Питт), «Ýaşaýyş, Larri we bagtsyzlygyň kowgusy» (Жизнь, Ларри и погоня за несчастьем), «Hudaýyň nägehanlary» (God's Monsters), «The Man Will Burn», «Uruş» (Война) we «Ýaşlyk» (Юность) ýaly gyzykly taslamalar bar.
