Mehaniki geçiriş gutuly awtoulaglary sürmeklik ýaşuly sürüjilerde ýaş bilen bagly kognitiw bozulmalaryň töwekgelçiligini azaldyp biler. Tohoku uniwersitetiniň professory Rýuta Kawasimanyň ýolbaşçylygyndaky barlagçylar şeýle netijä geldiler.
«BestCarWeb» neşiriniň barlaglara salgylanyp habar bermegine görä, muftany (ssepleniýe) özbaşdak dolandyrmak we tizlikleri saýlamak awtomatik transmissiýaly awtoulaglar bilen deňeşdireniňde, has çylşyrymly kognitiw baglanyşyklary emele getirýär. Alymlar ýol ýagdaýyna yzygiderli gözegçilik etmegiň we hereketleri utgaşdyrmagyň zerurlygynyň beýniniň öňki maňlaý gabygyny işjeňleşdirýändigini belleýärler.
Getirilen statistika laýyklykda, Ýaponiýadaky 75 ýaşdan uly sürüjileriň arasynda manýowr wagtyndaky ýalňyşlyklar we gaz bilen tormoz pedallaryny gatyşdyrmak ýagdaýlary bu ýaş toparyndaky ölümli ýol-ulag hadysalarynyň takmynan 6%-ini düzýär. 75 ýaşdan kiçi sürüjilerde bu görkeziji 0,7% töweregi bahalandyrylýar.
Belläp geçmeli ýagdaý, häzirki wagtda Ýaponiýada mehaniki geçiriş gutuly awtoulaglar täze ulaglaryň satuwynyň bary-ýogy 1-2%-ini eýeleýär.
