Ikinji orta agram derejesinde boks boýunça öňki absolýut dünýä çempiony meksikaly Saul Alwares 76,2 kg çenli agram derejesinde WBC-niň dünýä çempiony tituly ugrunda asly kamerunly fransuz boksçysy Kristian Mbilli bilen tutluşyk geçirer. Bu barada Riyadh Season guramasynyň metbugat gullugy habar berýär.
Resmi maglumatlara görä, olaryň urşy sentýabr aýynda Er-Riýadda (Saud Arabystany) geçiriler.
Saulyň hasabynda 63 ýeňiş (39-ysy nokaut bilen gazanyldy), üç ýeňliş bar, iki duşuşyk bolsa deňme-deňlikde tamamlandy.
Mbilli bolsa, öz gezeginde, ýeňilmän gelýär. Onuň professional boksdaky rekordy 30 ýeňişden (24-üsi nokaut bilen) ybarat, ýene bir tutluşyk bolsa deňme-deň diýlip yglan edildi.
