Xiaomi kompaniýasy açyk görnüşli ilkinji simsiz klipsa gulaklyklary bolan «Open-Ear Clip-on» modelini tanyşdyrdy. Anons kompaniýanyň prezidenti Lu Weýbin tarapyndan edildi, ýöne häzirlikçe bu barada giňişleýin maglumat berilmedi.
Hödürlenen suratlar açyk gurluşly gulaklyklaryň (Open-Ear Clip-on) adaty däl dizaýnyny görkezýär: olar gulagyň içine salynman, eýsem gulak gabygynyň üstüne gysdyrylyp dakylýar, bu bolsa ulanyja daş-töwerekdäki sesleri hem eşitmäge mümkinçilik berýär.
Tizer suratlaryna görä, enjam ýalpyldawuk aýna örtüge, bitewi çeýe korpusa we dury ses sferasyna eýe boldy. Zarýad gaby hem şonuň ýaly stilde taýýarlandy.
Lu Weýbin täze modeliň «haýran galdyryjy» ses üpjünçiligini hödürlejekdigini mälim etdi.
«Open-Ear Clip-on» gulaklyklarynyň doly derejeli tanyşdyrylyş dabarasy gijräk, Xiaomi kompaniýasynyň beýleki täze önümleri bilen bilelikde geçiriler.
