Russiýanyň Ylymlar akademiýasynyň Kosmos gözlegleri institutynyň Gün astronomiýasy barlaghanasynyň hünärmenleriniň habar bermegine görä, Günüň ýüzündäki indiki güýçli partlama 13-nji maýda bolup geçer.
Alymlar 7-nji we 10-njy maýda hasaba alnan öňki partlamalaryň arasyndaky üç günlük wagt aralygyna esaslanyp, şeýle netijä geldiler. Olaryň düşündirişinde Gün tegmillerindäki bu toparyň täze energiýa toplamagy üçin edil şonça wagtyň gerek bolýandygy aýdylýar.
Hünärmenler häzirki wagtda Gün diskiniň gyrasyndan merkezine tarap süýşýän bu işjeň sebitiň 13-nji maýa çenli Ýere göni täsir edip biljek zolagyna girjekdigini belleýärler.
Şu hepdede, has takygy, 7-nji we 8-nji maýda Ýerde eýýäm güýji ortaça derejede bolan magnit harasatlary hasaba alyndy. 10-njy maýda bolsa Günüň 4436-njy sebitinde M5.7 klasly (kuwwatlylygy boýunça ikinji ýokary dereje) uly partlama hasaba alyndy. Bu sebit Günüň arkasyndan öwrülip gelip, häzirki wagtda Ýere tarap gönükýär.
