«Midea» we «Huawei» kompaniýalary Hytaýda dünýäde ilkinji HarmonyOS operasion ulgamynda işleýän akylly kondisionerleri tanyşdyrdylar. Bu enjamlar otagdaky kömürturşy gazynyň (CO2) derejesini awtomat usulda sazlamaga ukyplydyr.
Akylly öý ekoulgamyna doly integrasiýa bolandygy sebäpli, bu enjamlar hatda penjireler ýapyk wagtynda-da sagdyn uky üçin arassa howanyň gelmegini üpjün edýär. «Dual 37» tehnologiýasy enjamyň örän sessiz işlemegini we howanyň çalt çalşylmagyny kepillendirse, içine gurlan ýörite CO2 datçigi hakyky wagt tertibinde kömürturşy gazynyň mukdaryny 1000 ppm-den pes derejede saklaýar.
Şeýle hem, hyzmatdaşlar täze wentilýasiýa ulgamlaryny hödürlediler we geljekde çipleri hem-de akylly öý ulgamlaryny döretmekde hyzmatdaşlygy giňeltjekdiklerini tassykladylar. Täze kondisionerler eýýäm «Huawei-iň» resmi dükanlarynda satylyp başlandy.
Täze modeller we bahalar:
- Midea Air Conditioner Pro: Bahasy 5399 ýuan (takmynan $795).
- Midea All-in-One Wind Pro: Bahasy 7699 ýuan (takmynan $1130).
