Universal Pictures kompaniýasy sary jandarlar baradaky seriýanyň üçünji bölümi bolan «Minýonlar we nägehanlar» multfilminiň jemleýji treýlerini hödürledi. Film daşary ýurt prokatyna 1-nji iýulda çykar.
Multfilmdäki wakalar 1920-nji ýyllarda bolup geçýär. Minýonlar öz horror filmini düşürmek üçin hakyky nägehanlary tapmak isleýär.
Bu multfilm «Ýigrenji men» (Гадкий я, 2010) filminiň prikweli hem-de «Minýonlar» (2015) we «Minýonlar: Grýuwitasiýa» (2022) multfilmleriniň dowamy bolar. Multfilmiň ilkinji treýleri Superboul oýnunyň arakesmesinde görkezilipdi. Onda üç dost jadylar kitabyny tapyp, tötänleýin bir nägehany çagyrýar.
Minýonlar ilkinji gezek ekranda «Ýigrenji men» filminde peýda boldy. Olar zalymlara, faraonlara, Drakula we Napoleona hyzmat edipdir. Bu gahrymanlar özlerine mahsus bolan «minýon» dilinde gürleýär.
