17–19-njy aprel aralygynda Indoneziýanyň Bali welaýatynyň Denpasar şäherinde geçirilen Durnukly ösüş ugrunda II Bütindünýä innowasiýa bäsleşiginde (GSIC 2026) Türkmenistanyň ýokary okuw mekdepleriniň wekilleri üstünlikli çykyş etdi.
Dünýäniň 12 ýurdundan zehinli alymlaryň, mugallymlaryň we hünärmenleriň gatnaşmagynda geçen bu abraýly bäsleşikde Türkmenistana S.A.Nyýazow adyndaky Türkmen oba hojalyk uniwersitetiniň we Myrat Garryýew adyndaky Döwlet lukmançylyk uniwersitetiniň toparlary wekilçilik etdi.
Oba hojalyk uniwersitetiniň wekilleri gurak sebitler üçin awtonom gün distillýasiýa ulgamyny taslamak we optimizirlemek boýunça hödürlän ylmy taslamasy bilen eminleriň ýokary bahasyna mynasyp boldy. Şeýle hem Döwlet lukmançylyk uniwersitetiniň talyplary Aral deňziniň ekologik meselelerini çözmegiň innowasion ýollaryna bagyşlanan ylmy-barlag işi bilen bäsleşikde tapawutlandy. Bu taslamalaryň ikisi hem özüniň amaly ähmiýeti we täzeçil çözgütleri bilen halkara bilermenler tarapyndan ýokary baha mynasyp görüldi.
Halkara bäsleşigiň netijeleri boýunça Türkmenistanyň oba hojalyk we lukmançylyk uniwersitetleriniň toparlarynyň ikisi hem hormatly ikinji orny eýeläp, kümüş medallar we ýeňiji diplomlary bilen sylaglandy.
