Universal Pictures kompaniýasy režissýor Kristofer Nolanyň «Odisseýa» filminiň täze treýlerini we posterini köpçülige hödürledi.
Bu film Gomeriň meşhur poemasynyň esasynda düşürildi. «Odisseýa» dolulygyna IMAX kameralaryna düşürilen ilkinji film bolar. Filme Mett Deýmon, Tom Holland, Zendeýa, Robert Pattinson, Enn Heteueý, Lupita Niongo, Şarliz Teron we Jon Berntal ýaly meşhur artistler gatnaşdy.
Treýlerde tomaşaçylara Gomeriň eposynyň ekran görnüşine has giň garaýyş görkezildi. Hususan-da, kadrda ilkinji gezek Sirseýanyň keşbinde Şarliz Teron, şeýle hem meşhur mifologik gahryman Siklop (depegöz) peýda boldy.
Gadymy poema esaslanýan ssenarini Nolanyň özi ýazdy. Şeýle-de, ol Emma Tomas bilen bilelikde Syncopy kompaniýasynyň adyndan taslamanyň prodýuseri bolup çykyş etdi. Filmiň dünýä ýüzündäki distribusiýasy bilen Universal Pictures meşgullanýar.
«Odisseýanyň» dünýä premýerasy şu ýylyň 17-nji iýulynda bolar.
