Seulda adamlaryň ukusyzlyk meselesine üns çekmek maksady bilen, gysga wagtlyk gündizki uky boýunça ýaryş geçirildi.
Bu bäsleşik eýýäm üç ýyldan bäri yzygiderli guralyp gelinýär. Gatnaşyjylar şäheriň seýilgähleriniň birine ýygnanyp, ýerli wagt bilen sagat 15:00-da bir sagatlyk dynç alyşa başlaýarlar. Olaryň esasy wezipesi, şol wagtyň içinde mümkin boldugyça iň ýokary hilli uka gitmäge çalyşmakdyr.
Eminler öz bahalaryny bäsleşige gatnaşyjylaryň ýürek urşunyň üýtgeşmesini ölçeýän pulsometrleriň kömegi arkaly kesgitleýärler.
Şu ýylky ýaryşda paýtagtyň 80 ýaşly ýaşaýjysy ýeňiji boldy. Ikinji orny bolsa 37 ýaşly ofis işgäri eýeledi. Onuň aýtmagyna görä, ol adatça gijelerine bary-ýogy 3-4 sagat uklaýar.
Çäräni şäher häkimligi guraýar. Häkimiýetler bu çäre arkaly dynç almagyň ähmiýetini ýatlatmagy we stres ýa-da aşa köp işlemek sebäpli ýüze çykýan gijeki ukusyzlygyň öwezini dolmagyň ýollaryny görkezmegi maksat edinýärler.
Käbir maglumatlara görä, Günorta Koreýa Ykdysady hyzmatdaşlyk we ösüş guramasyna agza ýurtlaryň arasynda iş ýüküniň iň ýokary we ýaşaýjylaryň yzygiderli ukusyzlykdan köp ejir çekýän döwletleriniň biridir.
