Häzirki wagtda Alp daglarynyň aşagyndan dünýäniň iň uzyn demir ýol tunelini geçirmek boýunça gurluşyk işleri dowam edýär. Bu täsin desganyň taýyn görnüşdäki umumy uzynlygy 64 kilometre ýeter.
Tunel Awstriýanyň Ştaýnah-am-Brenner obasynyň golaýyndan geçip, Italiya bilen arada göni gatnawy üpjün eder we Ýewropanyň demirgazygy bilen günortasyny birleşdirýän uly demir ýol ulgamynyň möhüm bölegine öwrüler.
Taslamanyň ýolbaşçylarynyň aýtmagyna görä, bu ýerde Ýewropanyň 11 döwletinden gelen hünärmenler we öňdebaryjy kompaniýalar bileikde işleýärler.
Tuneliň gurluşygynda Germaniýanyň Herrenknecht kompaniýasynyň äpet tehnikalary ulanylýar. Käbiriniň boýy 20, uzynlygy ýüzlerçe metre ýetýän maşynlaryň kuwwaty 6000 at güýjüne barabardyr. Şeýle äpet tehnika öň hem dünýäniň dürli künjeklerinde, meselem, Hytaýdaky Huanhe derýasynyň we Panama kanalynyň aşagyndan tunel gazmakda ulanylypdy.
