2-nji we 3-nji maýda Aşgabatda, Türkmenistanyň Döwlet medeniýet merkeziniň Mukamlar köşgünde TÜRKSOÝ-a agza ýurtlaryň opera sungatynyň ussatlarynyň gala-konsertleri geçiriler. Sahnada Azerbaýjandan, Gazagystandan, Gyrgyzystandan, Özbegistandan, Türkiýeden we Türkmenistandan artistler çykyş eder.
Türkmenistanyň Döwlet simfoniki orkestri çykyşlary saz bilen utgaşdyrar. Konsertleriň başlanýan wagty — sagat 18:00-da, giriş mugt.
Türkmenistanyň Beýik Saparmyrat Türkmenbaşy adyndaky şekillendiriş sungaty muzeýi 1941–1945-nji ýyllaryň Beýik Watançylyk urşunda gazanylan Ýeňiş güni mynasybetli «Gahrymanlarymyza hormat» atly sergini taýýarlady. Sergi 4-nji maýda sagat 11:00-da açylar.
Paýtagtyň teatrlary hem ýakyn günler üçin öz repertuarlaryny hödürledi. Meýilnamada we gatnaşýan artistleriň düzüminde üýtgeşmeleriň bolmagy mümkin, şonuň üçin maglumatlary öňünden anyklamak maslahat berilýär.
Beýik Saparmyrat Türkmenbaşy adyndaky Baş akademiki drama teatry:
- 02.05.2026 — «Yşgyň gämisi», 19:00
- 03.05.2026 — «Gelinler», 19:00
Magtymguly adyndaky Milli sazly drama teatry:
- 02.05.2026 — «Super gaýyn ene», 19:00
Alp Arslan adyndaky Milli drama teatry:
- 02.05.2026 — «Gyzyl alma», 19:00
- 03.05.2026 — «Magnitofon», 19:00
A.S. Puşkin adyndaky Döwlet rus drama teatry:
- 02.05.2026 — «Аршин мал алан», 19:00
- 03.05.2026 — «Доктор Айболит», 11:00; 13:00
- 03.05.2026 — «Муж для Памелы», 19:00
Türkmen döwlet gurjak teatry:
- 02.05.2026 — «Dostlar», 17:00
- 02.05.2026 — «Çagaly öý — bazar», 19:00
- 03.05.2026 — «Al ýaňak», 12:00; 17:00
- 03.05.2026 — «Çagaly öý — bazar», 19:00
