ABŞ-nyň ýaryndan köpüsini gurakçylyk gurşap aldy. Bu soňky 25 ýylyň iň uly gahatçylyklarynyň biridir.
Häzirki wagtda azyndan 30 ştatda ýagyn ýetmezçiligi duýulýar. Bu gurakçylyk 2012-nji ýyldaky rekord derejeden bary-ýogy 2% yzdadyr. Şeýlelikde ony XXI asyryň iň uly gurakçylyklarynyň biri diýip hasap etmek bolar.
Alabama, Jorjiýa, Missisipi we beýleki birnäçe ştatda gurakçylyk 100%-e ýetdi. Florida we Arkanzas ýaly ştatlarda bolsa ýeriň 99%-i gurady.
Ýuta ştatyna ýagýan ýagşyň mukdary 59% azaldy. Kolorado ştatynyň daglarynda bolsa garyň derejesi taryhyň iň pes nokadyna düşdi.
Alymlar bu ýagdaýyň örän agyr netijelere getirip biljekdigini duýdurýarlar. Gurakçylyk zerarly derýalaryň çekilip, suwdan peýdalanmagy kynlaşdyrýar. Tokaý ýangynlarynyň döreme howpy artýar. Mallar üçin öri meýdanlary azalýar we ekin meýdanlaryna uly zyýan ýetýär.
Sinoptikler şu aýyň ortalaryna ýagyn ýagar diýip garaşýarlar. Eger garaşylan çykmasa, ýagdaý has-da kynlaşar.
