Neuralink kompaniýasy ysmaz adamyň öz pikirleriniň kömegi bilen robotlaşdyrylan eli nähili dolandyryp bilýändigini görkezdi. Bu görkezme tehnologiýanyň mümkinçilikleriniň näderejede ýokarydygynyň göz-görtele mysaly boldy.
Taslamanyň esasynda beýni signallaryny okaýan we olary daşarky enjamlar üçin buýruklara öwürýän ýörite implantat çip durýar. Bu ýagdaýda ulanyjy diňe zerur hereketi göz öňüne getirmek bilen robot-elini dolandyrýar. Ähli buýruklaryň gönümel neýron signallary arkaly geçirilýändigi sebäpli ulgam ses, yşarat ýa-da goşmaça dolandyryş enjamlaryny talap etmeýär.
Neuralink — 2016-njy ýylda Ilon Mask tarapyndan esaslandyrylan amerikan kompaniýasydyr we ol beýni bilen tehnikanyň özara baglanyşygyny üpjün edýän neýrokompyuter interfeýslerini döretmek bilen meşgullanýar. Mundan ozal bu tehnologiýa kompyuteri dolandyrmaga mümkinçilik beripdi. Onda ulanyjylar kursory süýşürip, tekst ýazyp we hatda wideooýunlary hem oýnap bildiler.
Häzirki wagtda kompaniýa görmek ukybyny ýitiren adamlara dünýäni täzeden görmäge kömek etjek Blindsight çipiniň üstünde işleýär.
